thewritingfranz

In da Fria bin i wegga In Gottes Natur.

Und mei Muattal hot gsogt: „Kimm gsund hoam, liaba Bua.“

Und bevor d’Sun woa heraußn

woa i schon draußn.

Zwischan Bleaml und Grasal bin i auffi am Berg,

von do obm vom Güpfi siagst untn nur Zwerg.

Ohne den Scheiß Jaga tat’s mi heit no gebm.

Ohne den Scheiß Jaga tat i heit no Lebm.

Wegen dem Scheiß Jaga lieg i im Grob.

Wegen dem Scheiß Jaga is jetzt so lob.

Drentas Tol auf da Leitn,

drent auf da Sunnaseitn

steht da Jaga mit sein Gwehr.

Und des letzt wos i hea is a Gümpöpfeifn.

Donn kimmt die Kugel, tuat mi net streifn.

Denn glei übam Buckl – zack!

geht de Wornschusskugel mir mittn ins Gnack.

Ohne den Scheiß Jaga tat’s mi heit no gebm.

Ohne den Scheiß Jaga tat i heit no Lebm.

Wegen dem Scheiß Jaga lieg i im Grob.

Wegen dem Scheiß Jaga, is jetzt so lob.

Mei junges Lebm, meine Träume, mein Sehnen,

umsonst sans gwen.

Erstickt nun in Tränen, sie fließen herab

von meinem Brüdern auf’s Grab.

Oba i sog trotzdem scho heit,

am Ende siegt die Gerechtigkeit.

Mi werden die Engal wolln,

den Jaga wird da Teifl hoin.

Ohne den Scheiß Jaga tat’s mi heit no gebm.

Ohne den Scheiß Jaga tat i heit no Lebm.

Wegen dem Scheiß Jaga lieg i im Grob

Wegen dem Scheiß Jaga, is jetzt so lob.

Dieser Eintrag wurde von meinem →alten Blog übersiedelt.